¿Pueo asistir ensin ser profesional?
Sí. La Tastia Abierta al Públicu ta dirixida a la ciudadanía. Tamién pue solicitase plaza pal Brunch de Gala o pa la esperiencia completa del SISGA.
Ayuda pa planificar la visita
Entrugues frecuentes
Respuestes práutiques sobre entraes, reserves, Tastia Abierta, Brunch de Gala, productores, prensa y voluntariáu.
Entraes y asistencia
¿Qué modalidaes y precios hai?
Esperiencia completa SISGA: 350 €. Brunch de Gala: 75 €. Tastia Abierta: 10 €. Cada tastia guiada: 5 € adicionales.
¿Ónde se compren o reserven?
Anguaño la compra o reserva anticipada solicítase a la organización dende la páxina de participación. Nun hai confirmación automática: la organización comprueba l’aforu y unvia por escrito la confirmación y les instrucciones de pagu.
¿Comprar por adelantao asegura l’accesu?
Sí, cuando la organización confirme la solicitú. La compra anticipada evita quedar ensin plaza, pero nun supón un descuentu sobre’l preciu publicáu.
¿La entrada de 10 € permite tastiar toles sidres?
Permite tastiar les sidres participantes disponibles na Tastia Abierta. El serviciu ta suxetu a existencies, horarios, aforu y consumu responsable.
¿Les tasties guiaes páguense aparte?
Sí. Cuesten 5 € adicionales por tastia, requieren entrada pa la Tastia Abierta y reserva específica. Les places axudícanse por orde rigurosu d’inscripción.
¿Pueo mercar sidres ellí?
Sí. Na Tastia Abierta ta prevista la venta direuta de les sidres participantes.
¿Pueo dir namái al Brunch?
Sí. Pue reservase de manera independiente por 75 € por persona, hasta completar les places disponibles.
¿Hai places llendaes o llista d’espera?
La esperiencia completa, el Brunch y les tasties guiaes tienen places llendaes y asígnense por orde d’inscripción. Si una actividá ta completa, la organización va indicar al responder si tien llista d’espera.
¿Les entraes son nominatives? ¿Hai cancelaciones?
La organización va comunicar enantes del pagu si la reserva ye nominativa y les condiciones de cambéu, cancelación o devolución aplicables.
¿Puen asistir menores?
La degustación y el consumu d’alcohol tán reservaos a mayores de 18 años. Pa conocer les condiciones d’accesu de menores acompañaos, consulta primero cola organización.
¿Ónde y cuándo ye la Tastia Abierta?
El sábadu 26 de setiembre, de 12:00 a 15:00 y de 17:00 a 20:00, nel Salón Asturias del Palaciu de Congresos del Recintu Ferial Luis Adaro, Xixón.
Productores, prensa y voluntariáu
¿Cuáles son los plazos pa productores?
Inscripción hasta’l 1 de setiembre de 2026. Les muestres tienen que recibise hasta’l 7 de setiembre de 2026.
Información pa productores¿Cómo solicito acreditación de prensa?
Col formulariu d’acreditación. Medios de Comunicación: Llucía Fernández, +34 684 644 711.
Solicitar acreditación¿Pueo participar como voluntariáu?
Sí. Hai xeres de recepción, atención al públicu, tasties, loxística, comunicación y sofitu xeneral.
Inscribise como voluntariáu¿Hai autobús pa participantes?
El domingu 27 sal un autobús a les 10:00 dende l’Hotel Zentral Rey Pelayo pal Brunch de Gala. Consulta’l programa pa otros desplazamientos.
