L'actu de zarru del SISGA
El Brunch de Gala del Salón Internacional de les Sidres de Gala ye l'actu de zarru del SISGA y ún de los momentos más especiales del alcuentru. Axunta productores, xuráu internacional, representantes institucionales, organización, convidaos y persones venceyaes a la cultura de la sidre nuna última xornada de convivencia, reconocencia y celebración.
Nel Brunch de Gala celébrase la entrega de los Premios SISGA, onde se dan a conocer les sidres distingüíes pol Xuráu Internacional. Ye'l momentu nel que'l trabayu de los llagares y productores participantes recibe reconocencia pública, poniendo en valor la calidá, diversidá y personalidá de les sidres presentaes.
La esperiencia gastronómica tien un preciu de 75 € por persona y places llendaes, polo que ye necesaria reserva previa hasta completar aforu. Cada platu va tar maridáu con distintes sidres internacionales, combinando gastronomía asturiana, cocina de calidá y diversidá sidrera.
Participación presencial de llagares: inclúi una plaza pal representante inscritu. Los acompañantes adicionales tienen un preciu de 75 € por persona y requieren reserva previa.
El Brunch va celebrase nel Restaurante Finca El Duque, en Castiello, Xixón. L'establecimientu, fundáu en 1977, recibió'l Premiu Plato de Oro de la Gastronomía Nacional 2016.
Amás de la entrega de premios, l'actu inclúi la intervención del presidente de la Fundación Asturies XXI, la reconocencia a los Embaxadores del SISGA y el nomamientu de nuevos embaxadores, zarrando oficialmente la edición 2026.
